لاہور میں تمام نجی ملازمین کے لیے 15 جنوری تک ہفتے میں دو روز گھرسے کام کرنے کا نوٹیفکیشن جاری کردیا گیا۔

لاہور ہائیکورٹ کے جسٹس شاہد کریم نے شہرمیں اسموگ کے باعث نجی ملازمین کیلئے ہفتے میں 2 دن گھروں سے کام کرنے کے احکامات جاری کیے تھے۔

عدالتی حکم پر جاری کردہ نوٹی فکیشن کا اطلاق آج سے ہوگا۔

علاوہ ازیں محکمہ اسکول ایجوکیشن نے لاہور میں اتوار کے ساتھ جمعہ اور ہفتے کی بھی چھٹی کا اعلان کردیا ہے۔

محکمہ اسکول ایجوکیشن کی جانب سے جاری کردہ نوٹیفکیشن کے مطابق جمعہ، ہفتہ، اتوار کو اسکولز بند رہیں گے۔