چیف سیکرٹری پنجاب کامران علی افضل نے وفاقی اسٹیبلیشمنٹ ڈویژن کو ایک مرتبہ پھر130 روز کی چھٹی کی درخواست دیدی ہے۔

کامران علی افضل کی پہلے سے لی گئی ایک ماہ کی چھٹی 6 دسمبر کو مکمل ہورہی ہے۔

انہوں نے اپنی درخواست میں موقف اختیارکیا ہے کہ آسٹریلیا جانا چاہتا ہوں، 130 روزکے لیے چھٹی کی درخواست فوری منظورکی جائے۔

وزیراعلیٰ پنجاب چوہدری پرویزالہی چیف سیکرٹری پنجاب کامران علی افضل کی پہلے ہی ایک ایک ماہ کی دو بار چھٹی منظور کرچکے۔

انہوں نے عبداللہ خان سنبل کو قائمقام چیف سیکرٹری کے طورپر کام جاری رکھنے کا حکم دیا تھا۔