کراچی کے ڈسٹرکٹ سینٹرل میں جرائم پیشہ عناصر کے خلاف پولیس بے بس نظرآتی ہے۔

کیفے پیالہ کے قریب اِنجن آئل کی دُکان میں ڈکیتی کی واردات ہوئی جس میں 3 مسلح ملزمان اسلحہ کے زور پر نقد رقم اور دیگر قیمتی اشیاء لوٹ کر فرار ہوگئے۔

ڈکیتی کی واردات کی سی سی ٹی وی ویڈیو منظرعام پرآگئی جس میں دیکھا جاسکتا ہے کہ موٹرسائیکل پر 3 ملزمان دُکان پرآتے ہیں اور آتے ہی دکاندار کا بٹوہ جیب سے نکال لیتے ہیں۔

ایک ملزم بٹوے سے پیسے نکالنا شروع کرتا ہے اور دیگر 2 ملزمان دُکان کی تلاشی لینا شروع کردیتے ہیں ۔

لوٹ مار کے بعدملزمان با آسانی فرار ہوجاتے ہیں۔