معروف کاروباری شخصیت ایس ایم منیر انتقال کرگئے۔

ایس ایم منیر کورنگی ایسوسی ایشن آف ٹریڈ اینڈ انڈسٹری (کاٹی) کے سرپرست اعلیٰ تھے، وہ ٹریڈ ڈیولپمنٹ اتھارٹی کے سربراہ بھی رہے۔

ایس ایم منیر کو آج صبح سے بخار کی شکایت تھی۔ انہیں دل کے دورے کی شکایت پر کاٹی سے نجی اسپتال منتقل کیا گیا تاہم وہ جانبر نہ ہوسکے۔

انہوں نے کچھ عرصے قبل گردوں کا علاج کروایا تھا۔

قریبی ذرائع کا کہنا ہے کہ ایس ایم منیر کے اہلِ خانہ لاہور میں ہیں۔

صنعت کار ایس ایم منیر چمڑے کی صنعت سے وابستہ تھے اور مختلف کمپنیوں اور بینکوں کے بورڈ ممبر بھی رہ چکے تھے۔

آج گورنر سندھ کامران ٹیسوری کے کاٹی کے دورے پر بھی وہ موجود تھے۔