عمران خان پنجاب کے خزانے پر بوجھ بننے لگے، زمان پارک کی سیکیورٹی کے نام پر پنجاب حکومت ماہانہ دس کروڑ روپے سے زائد کا خرچ برداشت کرے گی۔

زمان پارک پر تعینات 516 اہلکاروں کی ڈیوٹی بھی 12 گھنٹے کر دی گئی ہے۔

سوا دو لاکھ سے زائد شہریوں کی حفاظت کی ذمہ دار پولیس صرف زمان پارک پر تعینات ہے۔

پولیس پاپولیشن ریشو کے مطابق ایک اہلکار 450 شہریوں کی حفاظت کا ذمہ دار ہے۔

زمان پارک میں کنٹرول روم بھی تیار کیا گیا ہے۔

ریسکیو، سول ڈیفینس، بم ڈسپوزل اسکواڈ اور سیکیورٹی 24 گھنٹے رہے گی۔

حکومتی خرچے پر زمان پارک میں بم پروف دیوار کی تعمیر بھی کی جائے گی۔

خیبرپختونخوا پولیس کے 40 کمانڈوز بھی کلوز سرکل میں تعینات کئے گئے ہیں ، جن کیلئے سے واش روم اور کھانے کا کوئی مناسب انتظام موجود نہیں۔