وزیر داخلہ رانا ثنا اللہ کو ایف آئی سی اسپتال سے ڈسچارج کردیا گیا۔

سینئر ڈاکٹرز پر مشتمل ٹیم نے رانا ثنا اللہ کامکمل طبی معائنہ کیا، ڈاکٹرز نے رانا ثنا اللہ کو ایک ہفتہ آرام کا مشورہ دیا ہے۔

اے ایف آئی سی راولپنڈی میں زیرعلاج رانا ثنا نے اپنے آڈیو پیغام میں دو روز قبل کہا تھا کہ اسپتال میں رش کرنے کی ضرورت نہیں، اتوار تک گھر آجاؤں گا۔

انہوں نے کہا تھا کہ کافی عرصہ پہلے میری 2004 میں ہارٹ سرجری ہوچکی ہے، دو تین سال بعد چیک اپ اور پروسیجر ضروری ہوتا ہے۔