پاکستان تحریک انصاف (پی ٹی آئی) کے چئیرمین عمران خان کا شوکت خانم اسپتال کے ڈاکٹرز نے طبعی معائنہ کیا ہے۔

ڈاکٹرز کی ایک ٹیم زمان پارک لاہور میں واقع عمران خان کی رہائش گاہ پر پہنچی اور طبی معائنہ کیا۔

اس دوران عمران خان کے زخموں کی ویڈیو پہلی بار منظر عام پر آگئی ہے۔

ویڈیو میں دیکا جاسکتا ہے کہ عمران خان کو دائیں ٹانگ پر گولیوں کے تین زخم آئے ہیں، دائیں ٹانگ کی ران پر دو زخم جبکہ گھٹنے کے پاس ایک زخم آیا۔

ڈاکٹرز نے زخموں کا معائنہ کرنے کے بعد نئی بینڈیج کردی۔

ڈاکٹرز کی جانب سے زخموں کا طبعی معائنہ باقاعددگی سے جاری ہے جو آئندہ دنوں میں بھی جاری رکھا جائے گا۔

ڈاکٹرز کا کہنا ہے کہ زخم بدستور گہرے ہیں مند مل نہیں ہوئے۔