آڈیٹرجنرل پاکستان کی رپورٹ میں سابقہ دورحکومت میں خام کورونا ویکیسن کی درآمد میں بے ضابطگیوں سے متعلق انکشافات کیا گیا ہے۔

اس حوالے سے جاری کردہ آڈٹ رپورٹ میں کہا گیا ہے کہ سابقہ دور حکومت میں خام ویکسین کی درآمد میں پیرارولزکی خلاف ورزی کی گئی۔

آڈیٹرجنرل آف پاکستان کی آڈٹ رپورٹ میں کہا گیا ہے کہ سابقہ حکومت کے دورمیں وزارت صحت نے پیرا رولزکی خلاف ورزی کی خام ویکسین کی خریداری ڈریپ کی منظوری اورآڈٹ کے بغیرکی۔

رپورٹ میں بتایا گیا ہے کہ وزارت صحت نے27 لاکھ 44 ہزارخام ویکسین کین سائنو چین سے خریدی لیکن اس اقدام سے قبل ڈریپ سےایمرجنسی استمعال کی منظوری نہیں لی گئی۔

اس کے علاوہ کراچی کی ایک ادویہ سازکمپنی کو فپیرا رولزکیخلاف منتخب کرتے ہوئے خلاف ضابطہ 2 کروڑ71 لاکھ 61 ہزارروپے دیے گئے۔

آڈیٹرجنرل پاکستان کی جانب سے معاملے کی انکوائری کا حکم دیا گیا ہے۔