متحدہ قومی موومنٹ (ایم کیو ایم) پاکستان کی رابطہ کمیٹی کامران ٹیسوری کو گورنر بنائے جانے سے لاعلم ہے۔

اس حوالے سے ذرائع کا کہنا ہے کہ ایم کیو ایم پاکستان کے کنوینر ڈاکٹر خالد مقبول صدیقی نے گورنر سندھ کیلئے تین نام بھیجے تھے جس میں نسرین جلیل، وسیم اختر اور عامر چشتی شامل ہیں۔

ذرائع کا مزید کہنا تھا کہ ایم کیو ایم پاکستان نے گورنرسندھ کیلئے کامران ٹسوری کا نام نہیں بھیجا تھا- لیکن ایم کیو ایم رابطہ کمیٹی نے اس معاملے تاحال کوئی ردعمل نہیں دیا ہے، رابطہ کمیٹی نے اس معاملے پر خاموشی اختیار کر رکھی ہے۔

یاد رہے متحدہ قومی موومنٹ (پاکستان) میں اس وقت کامران ٹیسوری ڈپٹی کنوینر کے عہدے پر فائز ہیں۔