کراچی: محکمہ تعلیم سندھ نے صوبے بھر کے تمام سرکاری اسکولوں کو سیلاب متاثرین سے خالی کرانے کا حکم دے دیا۔

سیکرٹری تعلیم سندھ نے صوبے کے تمام ڈپٹی کمشنرز کو خطوط لکھ دیے جس میں کہا گیا ہے کہ متاثرین اسکولوں میں رہ رہے ہیں جس کے باعث طلباء کی تعلیم متاثر ہو رہی ہے لہٰذا اسکولوں کو خالی کرایا جائے۔

خط میں کہا گیا ہے کہ صوبے بھر میں لاکھوں سیلاب متاثرین اسکولوں میں رہائش پذیر ہیں جنہیں تعلیمی اداروں سے خیمہ بستیوں میں منتقل کیا جائے۔