انٹرنیشنل کرکٹ کونسل (آئی سی سی) نے آسٹریلیا میں ہونے والے ٹی20 ورلڈ کپ کی تیاری کیلئے وارم اپ میچزکا شیڈول جاری کردیا۔

تمام 16 ٹیمیں میگا ایونٹ سے قبل پریکٹس میچز کھیلیں گی، پریکٹس میچز میلبرن اوربرسبین میں کھیلے جائیں گے۔

📅 Mark your calendars!

The schedule of the warm-up fixtures for the ICC Men's #T20WorldCup 2022 is now out 👇https://t.co/cxAkjni5Qz

— ICC (@ICC) September 8, 2022

پہلے راؤنڈ کی ٹیمیں 10 سے 13 اکتوبر تک جبکہ سپر 12 راؤنڈ کی ٹیمیں 17 سے 19 اکتوبر تک وارم اپ میچز کھیلیں گی۔

پاکستان ٹیم 17 اکتوبر کو انگلینڈ اور 19 اکتوبر کو افغانستان سے برسبین میں دودوہاتھ کرے گی۔

آئی سی سی کے مطابق وارم اپ میچز ٹی 20 انٹرنیشنل اسٹیٹس کے حامل نہیں ہوں گے جبکہ ٹی20ورلڈ کپ کا آغاز 16 اکتوبرسے جیلونگ میں ہوگا۔