کراچی: رہنما متحدہ قومی موومنٹ (ایم کیوایم پاکستان) وسیم اختر کا کہنا ہے کہ حکومت ہمارے ساتھ کیے گئے معاہدوں پر سنجیدگی اختیار نہیں کر رہی۔

ایک بیان میں وسیم اختر کا کہنا تھا کہ پاکستان ڈیموکریٹک موومنٹ (پی ڈی ایم) اپنے کسی معاہدے کا پاس نہیں کر رہی جس کے پیشِ ںظر ہم اپنی وزارتیں چھوڑنے پرغور کررہے ہیں۔

انہوں نے کہا کہ وزیراعظم شہباز شریف، مولانا فضل الرحمان، بلاول بھٹو اور آصف زرداری ہمارے ساتھ کیے گئے معاہدے پر عمل درآمد کرانے کے لئے سنجیدہ نظر نہیں آتے، لہٰذا ہمیں مجبور نہ کیا جائے کہ حکومت سے علیحدہ ہونے کے لئے ڈیڈ لائن دے دیں۔

وسیم اختر کا کہنا تھا کہ ایم کیوایم شہر سے اپنی چھینی ہوئی سیٹیں واپس حاصل کرے گی، پی ٹی آئی ہو یا پیپلز پارٹی کسی جماعت کو کراچی کی فکر نہیں ہے۔