امریکا میں جاری ورلڈ ایتھلیٹکس چیمپئن شپ میں پاکستان کے ارشد ندیم جیولین تھرو ایونٹ کے فائنل میں پہنچ گئے۔

ارشد ندیم نے گروپ بی کے لیے کوالیفائنگ راؤنڈ میں 81.71 میٹر کی تھرو کی، فائنل تک کوالیفائی کرنے کے لیے ان کا ٹاپ 12 میں آنا لازمی تھا۔

BREAKING NEWS: Arshad Nadeem of Pakistan qualifies for the final of Javelin Throw event at World Athletics Championship in USA with a throw of 81.71m in group stage. pic.twitter.com/IvTm5e7R5y

— Faizan Lakhani (@faizanlakhani) July 22, 2022

ارشد ندیم کی پہلی تھرو 76.15 اور دوسری 74.38 میٹر کی تھی، جبکہ تیسری مرتبہ وہ جیولین 81.71 میٹر پھینکنے میں کامیاب رہے۔

ارشد ندیم مجموعی طور پر نویں اور اپنے گروپ میں چوتھے نمبر پر رہے۔

گروپ مرحلے میں گرینیڈا کے اینڈرسن پیٹرز 89.91 میٹر کی تھرو پھینک کر پہلے نمبر پر رہے جبکہ 88.39 میٹر کے ساتھ بھارت کے نیرج چوپڑا کا دوسرا نمبر رہا۔

24 جولائی بروز اتوار کو ہونے والے ایونٹ کے فائنل راؤنڈ میں 12ایتھلیٹ نے کوالیفائی کیا۔