پاکستان پیپلز پارٹی کے چیئرمین بلاول بھٹو زرداری نے پاکستان کے وزیر خارجہ کی حیثیت سے حلف اٹھا لیا ہے۔

ایوان صدر میں حلف برداری کی تقریب میں ڈاکٹر عارف علوی نے پی پی چیئرمین سے وزارت خارجہ کا حلف لیا۔

اس سے قبل ، بلاول بھٹو زرداری نے تصدیق کی تھی کہ وہ (آج) بدھ کو وزیر اعظم شہباز شریف کی کابینہ میں وفاقی وزیر کے عہدے کا حلف اٹھائیں گے۔

پیپلز پارٹی کی سینٹرل ایگزیکٹو کمیٹی کے اجلاس کے بعد کراچی میں ایک پریس کانفرنس سے خطاب کرتے ہوئے بلاول نے کہا کہ میں حلف اٹھاؤں گا اور خود مخلوط حکومت کا حصہ بنوں گا۔

بلاول نے واضح طور پر یہ نہیں بتایا کہ انہیں کون سا قلمدان ملنے والا ہے لیکن اشارہ دیا کہ وہ وزارت خارجہ کا چارج سنبھالیں گے۔