پاکستان تحریک انصاف کے رہنما اسد عمر نے وزیر اعظم شہبازشریف کو مشورہ دیا کہ میاں صاحب کرسی چھوڑو اور الیکشن کال کرو۔

اسد عمر نے ٹوئٹر پر اپنے جاری کردہ ٹوئٹ پیغام میں لکھا کہ شہباز شریف نے کہا تھا کہ اگر ثبوت ہوں غیر ملکی مداخلت کے تو وہ عمران خان کے ساتھ کھڑے ہوں گے۔

انہوں نے لکھا کہ اب ایک نہیں دو مرتبہ قومی سلامتی کمیٹی تصدیق کر چکی ہے کہ بیرونی مداخلت ہوئی ہے۔

پی ٹی آئی رہنما نے مزید لکھا کہ خان نے تو ساتھ کھڑا نہیں ہونے دینا، میاں صاحب کرسی چھوڑو اور الیکشن کال کرو۔

اس کے ساتھ ہی پی ٹی آئی رہنما فیصل جاوید نے کہا ہے کہ فوری الیکشن کے بعد امپورٹڈ حکومت ایکسپورٹڈ ہو جائے گی۔

انہوں نے اپنے ٹوئٹ میں لکھا کہ پاکستان کی ضرورت امپورٹس کو کم کرنا اور ایکسپورٹس کو بڑھانا ہے۔

مزید لکھا کہ یہاں تو پوری حکومت ہی امپورٹڈ آ گئی ہے، یہ حکومت کیا ایکسپورٹس بڑھائی گی یہ تو خود امپورٹڈ ہے۔

فیصل جاوید نے مزید لکھا کہ فوری الیکشن واحد حل ہے جس کے بعد امپورٹڈ حکومت ایکسپورٹڈ ہو جائے گی۔