سری نگر: بھارتی مقبوضہ کشمیر کی 5 اگست 2019ء کو خصوصی حیثیت کے خاتمے کے بعد نریندر مودی کے جموں و کشمیر کے دورے سے پہلے علاقے میں سیکورٹی سخت کر دی گئی ہے۔

بھارتی میڈیا کے مطابق کوئی ناخوشگوار واقعہ پیش نہ آئے اس کو یقینی بنانے کیلئے سخت حفاظتی انتظامات کئے گئے ہیں۔

تاہم پولیس کے ڈائریکٹر جنرل دلباغ سنگھ نے کہا کہ "سرحدوں پر سیکورٹی بڑھا دی گئی ہے جبکہ کاؤنٹر ڈرون تعینات کیے گئے ہیں۔

واضح ریے کہ جموں ڈویژن کے سانبہ ضلع میں پلی پنچایت میں وزیراعظم مودی قومی پنچایتی راج ڈے کے موقع پر ملک بھر میں گرام سبھا سے خطاب کیا۔

اس موقع پر داخلی اورخارجی راستوں کو سیل کر دیا گیا ہے اور سڑکوں کو بند کر دیا گیا ہے۔

خیال رہے کہ وزیر اعظم کے دورے سے چند روز قبل مقبوضہ کشمیر میں دو الگ الگ جھڑپوں میں 6 حریت پسندوں سمیت ایک ہندوستانی نیم فوجی اہلکار ہلاک ہو گیا تھا۔

اس کے ساتھ ہی بھارتی وزیر اعظم نرید رمودی کے دورہ سری نگر کے موقع پرحریت رہنماء یاسین ملک کی اہلیہ مشاعل ملک نے سماجی رابطے کی ویب سائٹ ٹوئٹرپر ویڈیو ٓپیغام جاری کیا ہے۔

مشاعل ملک نے کہاکہ مودی کے دورے پر آج ہم کشمیری احتجاجا یوم سیاہ منا رہے ہیں۔