ڈاکٹر مصطفیٰ خطاب نے روزمرہ کی زندگی میں قرآن پاک کے پیغام کو سمجھنا نوجوان مسلمانوں کے لیے مشکل کو آسان کردیا، جو عربی نہیں بولتے یا سمجھتے ہیں۔

آج نیوز کے مطابق ایک کینیڈین-مصری اتھارٹی نے اس چیلنج کی نشاندہی کی اور نوجوان طلباء کے لیے آسان ترجمہ تیار کرنے کے لیے اسے اپنے ذمہ لیا۔

ڈاکٹر خطاب نے بچوں کے لیے "The Clear Quran" تخلیق کیا ہے، جو ایک منفرد ترجمہ ہے جسے طلباء کی ایک ٹیم نے تعلیم یافتہ اسلامی اور سرکاری اسکول کے اساتذہ کے ساتھ ساتھ پیشہ ور مدیران کی مدد سے تیار کیا ہے۔

ڈاکٹر خطاب نے یوٹیوب چینل 'Let the Quran Speak' پر ایک انٹرویو میں انکشاف کیا کہ میں نے گریڈ 2 سے 5 تک کے طلباء کی ایک ٹیم کے ساتھ محنت سے کام کیا ہے تاکہ مشکل الفاظ کی شناخت کی جا سکے اور انہیں آسان الفاظ سے تبدیل کیا جا سکے جو ایک ہی معنی رکھتے ہیں۔

ان کا کہنا تھاکہ جہاں تک ان الفاظ کا تعلق ہے، جو ہم تبدیل نہیں کر سکے، ان کی وضاحت لغت میں کی گئی ہے۔

انہوں نے مزید کہا کہ ہم نے کتاب کو بہت ساری کہانیوں سے بھر دیا ہے، آیات اور ابواب کی وضاحت کرنے کے لیے اور ایسی مثالیں دیں، جو بچوں نے پیشہ ورانہ طور پر کی ہیں۔"

اسی اثنا میں ڈاکٹر مصطفیٰ خطاب نے Clear Quran کی آفیشل ویب سائٹ پر ایک بیان میں کہا کہ ہر سورت کے شروع میں سیکھنے کے نکات کا ایک حصہ ہوتا ہے، جو ہر باب کے اسباق کو جمع کرتا ہے۔

مزید کہا کہ ساتھ ہی سورت کے پس منظر کی کہانی کا ایک سیکشن بھی ہے، جو سیاق و سباق اور وجہ فراہم کرتا ہے کہ کچھ اقتباسات کیوں نازل ہوئے۔

ڈاکٹر مصطفیٰ خطاب نے کہا کہ میں نے اس بات کو یقینی بنایا کہ تمام پس منظر کی کہانیاں مستند ہیں، حدیث یا تفسیر کی اس کتاب کا حوالہ دیا ہے، جس سے یہ کہانی لی گئی ہے۔

واضح رہے کہ اس کتاب کو دنیا بھر کی متعدد اسلامی تنظیموں نے منظور اور تائید کی ہے، جن میں الینوائے میں الفرقان فاؤنڈیشن، مصر کی جامعہ الازہر، اسلامک سوسائٹی آف نارتھ امریکہ اور کینیڈین کونسل آف امام شامل ہیں۔