وزیراعلی پنجاب منتخب ہونے والے حمزہ شہباز کی حلف برداری کھٹائی میں پڑگئی۔

آج نیوز کے مطابق گورنر پنجاب کی جانب سے حمزہ شہباز کی بحیثیت وزیر اعلی پنجاب تقریب حلف برداری مؤخر کرنے پر وزیراعظم شہباز شریف نے صوابدیدی اختیاراستعمال کرتے ہوئے عمر سرفراز چیمہ کو عہدےسے ہٹا دیا۔

دریں اثنا وزیراعظم نے سمری صدر مملکت کو بھیج دی ہے جبکہ قانونی ماہرین کے مطابق آئین کے تحت صدر مملکت وزیراعظم کی ایڈوئس منظور کرنے کے پابند ہیں۔

تاہم دوبارہ جائزہ لینے کے لیے سمری واپس وزیراعظم کو بھیج سکتے ہیں اور پھر سمری ملنے پر صدر مملکت کو 10 دن کے اندر اسے منظور کرنا ہوتا ہے۔

اس معاملے پر قانونی ماہرین کا کہنا ہے آئین کے تحت گورنر ہی وزیراعلیٰ سے حلف لیتے ہیں،وزیراعظم کے پاس گورنر کو ہٹانے کا کوئی اختیار نہیں ہوتا، یہ صدر کا اختیار ہے۔

اس کے علاوہ قانونی ماہرین کا مانناہے کہ جب تک صدر مملکت کی جانب سے سمری منظور نہیں ہوتی، تب تک گورنر اپنے کام جاری رکھ سکتے ہیں۔