پاکستان کرکٹ ٹیم کے آل راؤنڈر کھلاڑی شاداب خان نے بلقیس ایدھی کو خراج عقیدت پیش کیا ہے۔

سماجی رابطے کی ویب سائٹ پر شاداب خان نے بلقیس ایدھی اور عبدالستار ایدھی کی ایک یادگار تصویر شیئر کرتے ہوئے کہا کہ بلقیس ایدھی صاحبہ ہم آپ کو سلیوٹ کرتے ہیں۔

شاداب خان کا مزید کہنا تھا کہ انسانیت کے لیے آپ کی خدمات ہمیشہ یاد رکھی جائیں گی۔

انہوں نے کہا کہ اللّٰہ بلقیس ایدھی کو جنت میں اعلیٰ مقام عطا فرمائے اور آپ کے گھر والوں کو صبر جمیل عطا فرمائے۔

خیال رہے کہ گزشتہ روز معروف سماجی کارکن عبدالستار ایدھی کی بیوہ بلقیس ایدھی انتقال کر گئیں تھی۔

تاہم بلقیس ایدھی کراچی کے نجی اسپتال میں ایک ماہ سے زیر علاج تھیں، جہاں وہ دوران علاج دنیا سے رخصت ہوگئیں۔

ترجمان ایدھی فاؤنڈیشن کے مطابق بلقیس ایدھی عارضہ قلب سمیت دیگر امراض میں مبتلا تھیں۔