سعودی کاروباری شخصیت شہزادہ الولید بن طلال نے ٹیسلا کے بانی ایلون مسک کی سوشل میڈیا پلیٹ فارم ٹوئٹر 41 ارب 39 کروڑ روپے خریدنے کی پیش کش مسترد کردی۔

عرب میڈیا کے مطابق شہزادہ الولید بن طلال کا اپنی ٹوئٹ میں کہنا تھا کہ ’ایلون مسک کی جانب سے ٹوئٹر کے لیے دی گئی پیش کش اس کی گروتھ کے بعد کی قدر کے مطابق نہیں ہے۔‘

انہوں نے مزید کہا کہ ’ٹوئٹر کے ایک بڑے شراکت دار کی حیثیت سے کنگڈم ہولڈنگ اور میں اس پیش کش کو مسترد کرتے ہیں۔‘

یاد رہے کہ ارب پتی ایلون مسک نے ٹوئٹر کو 41 ارب 39 کروڑ ڈالر میں خریدنے کی پیش کش کی تھی۔

ایلون مسک کی پیش کش 54.20 ڈالر فی حصص بنتی ہے جو کہ یکم اپریل کو ٹوئٹر کے سٹاک کی اختتامی قیمت کے 38 فیصد پریمیئم کی نمائندگی کرتی ہے۔