کراچی: ملک کی سیاسی صورتحال کے باعث پاکستانی روپیہ انٹربینک مارکیٹ میں امریکی ڈالر کے مقابلے میں اب تک کی کم ترین سطح پر آ گیا۔

فاریکس ڈیلرز کے مطابق بدھ کو امریکی ڈالر روپے کے مقابلے میں اب تک کی بلند ترین سطح پر پہنچ گیا، انٹر بینک مارکیٹ میں انٹرا ڈے ٹریڈنگ کے دوران 186.06 روپے تک بڑھ گیا۔

مقامی کرنسی نے بھی اوپن مارکیٹ میں گراؤنڈ کھو دیا اور فی الحال گرین بیک کے مقابلے میں 186 سے زیادہ پر ٹریڈ کر رہا ہے۔

اس حوالے سے ماہرین کا کہنا ہے کہ ملک میں سیاسی افراتفری روپے کو دباو میں رکھے ہوئے ہے۔

کراچی چیمبر آف کامرس اینڈ انڈسٹری (KCCI) نے منگل کو اسٹیٹ بینک آف پاکستان (SBP) پر زور دیا کہ وہ امریکی ڈالر کے مقابلے روپے کی مسلسل گراوٹ کو روکنے کے لیے مداخلت کرے۔

کے سی سی آئی کے صدر محمد ادریس نے گرین بیک کے مقابلے میں گھریلو یونٹ کے 186 روپے کی ریکارڈ نچلی سطح پر گرنے پر تشویش کا اظہار کیا اور مرکزی بینک پر زور دیا کہ وہ روپے کی مزید گراوٹ کو روکنے کے لیے اپنا کردار ادا کرے۔