اسلام آباد:پاکستان تحریک انصاف(پی ٹی آئی )کے رہنماء فواد چوہدری کا کہنا ہے کہ شہباز شریف عدالت میں پیش ہونے کی بجائے اسلام آباد میں مٹرگشت کررہے ہیں،کوئی عام آدمی ہوتا تو اب تک ضمانت منسوخ ہوچکی ہوتی۔

سابق وفاقی وزیراطلاعات ونشریات فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ شہباز شریف عدالت کو بدعنوانی کےمقدموں میں مطلوب ہیں، ان کی ضمانت کی درخواست عدالت میں ہے لیکن وہ وہاں پیش ہونے کی بجائے اسلام آباد میں مٹر گشت کر رہے ہیں۔

شہبازشریف عدالت کو بدعنوانی کے مقدموں میں مطلوب ہیں ان کی ضمانت کی درخواست عدالت میں ہےلیکن وہ وہاں پیش ہونے کی بجائے اسلام آباد میں مٹر گشت کر رہے ہیں اگر یہ کوئ عام آدمی ہوتا اب تک ضمانت منسوخ ہو چکی ہوتی جب تک قانون کا اطلاق امیر اور غریب پر برابر نہیں ہوتا ہم قوم نہیں بن سکتے

— Ch Fawad Hussain (@fawadchaudhry) April 4, 2022

فواد چوہدری کا مزید کہنا تھا کہ اگر کوئی عام آدمی ہوتاتواب تک ضمانت منسوخ ہوچکی ہوتی،جب تک قانون کااطلاق امیر اورغریب پر برابر نہیں ہوتاہم قوم نہیں بن سکتے۔