وزیر اعظم عمران خان پر قاتلانہ حملہ ہوسکتا ہے، جس کے بعد حکومت نے سیکیورٹی مزید سخت کردی۔

وزیر اطلاعات فواد چوہدری نے ایک ٹویٹ میں کہا کہ "سیکیورٹی اداروں نے اطلاع دی ہے کہ وزیر اعظم عمران خان کو قتل کرنے کی سازش رچی گئی ہے، تاہم ان رپورٹس کے بعد حکومتی فیصلے کے مطابق وزیراعظم کی سیکیورٹی مزید سخت کردی گئی ہے۔

یہ پیشرفت اس وقت سامنے آئی ہے جب سابق وزیر آبی وسائل فیصل واوڈا نے نجی چینل (اے آر وائی نیوز) کو انٹرویو دیتے ہوئے دعویٰ کیا تھا کہ وزیر اعظم کے "ملک بیچنے" سے انکار پر انہیں قتل کرنے کی سازش کی جا رہی ہے۔

مزید براں وزیر اعظم عمران خان کی قسمت کا فیصلہ اتوار کو عدم اعتماد کے ووٹ کے دن متوقع ہے جبکہ انہوں نے 27 مارچ کو دعویٰ کیا کہ ان کی حکومت گرانے کی کوششوں کے پیچھے غیر ملکی سازش تھی۔

اس سے قبل اسلام آباد کے پریڈ گراؤنڈ میں ایک ہجوم سے خطاب کرتے ہوئے وزیر اعظم عمران خان نے اپنے دعوے کے ثبوت کے طور پر "ثبوت کا ٹکڑا" اپنے پاس رکھا تھا۔

وزیر اعظم عمران کے مطابق ان کے خلاف اپوزیشن کی تحریک عدم اعتماد ان کی "آزاد خارجہ پالیسی" کی وجہ سے "غیر ملکی سازش" کا نتیجہ تھی۔

انہوں نے الزام لگایا کہ انہیں اقتدار سے ہٹانے کے لیے بیرون ملک سے فنڈز منگوائے جا رہے ہیں۔