کراچی: سندھ پولیس نے ناظم جوکھیو قتل کیس کے مرکزی ملزم جام عبدالکریم کو گرفتار کرنے سے انکار کردیا۔

اپنے ایک بیان میں پولیس حکام نے کہا کہ ایم این اے جام کریم کی گرفتاری توہین عدالت کے ذمرے میں آئے گی کیونکہ ملزم نے سندھ ہائی کورٹ سے 10 دن کی حفاظتی ضمانت حاصل کر رکھی ہے۔

سندھ پولیس نے کہا کہ ایف آئی اے شک کی بنیاد پر ملزم کو گرفتار نہیں کر سکتی۔

بیان میں واضح کیا گیا ہے کہ جام کریم کا نام عارضی قومی شناختی فہرست (پی این آئی ایل) یا ایگزٹ کنٹرول لسٹ (ای سی ایل) میں شامل نہیں کیا گیا ہے۔

پولیس کی جانب سے یہ بیان وزیر داخلہ شیخ رشید احمد کی جانب سے جام عبدالکریم کو گرفتار کرنے کے اعلان کے بعد سامنے آیا ہے، جس پر ناظم جوکھیو کے قتل کے مقدمے میں مقدمہ درج کیا گیا ہے ۔