قومی اسمبلی کے اسپیکر اسد قیصر نے وزیراعظم عمران خان کے خلاف اپوزیشن کی تحریک عدم اعتماد پر ایوان کا اجلاس 25 مارچ کو طلب کرلیا۔

اجلاس جمعہ کی صبح 11 بجے طلب کیا جائے گا اور یہ موجودہ قومی اسمبلی کا 41 واں اجلاس ہوگا۔

آج نیوز کے مطابق آئین کے آرٹیکل 54 کے تحت اپوزیشن کی جانب سے ریکوزیشن موصول ہونے کے بعد اسپیکر قومی اسمبلی کا اجلاس 14 دن کے اندر طلب کرتا ہے۔

چونکہ اپوزیشن نے 8 مارچ کو ریکوزیشن جمع کرائی تھی اس لیے اجلاس 21 مارچ تک بلانا ضروری تھا۔

تاہم، حکومت نے دلیل دی ہے کہ اگر حالات اجازت نہ دیں تو اجلاس میں تاخیر ہو سکتی ہے۔

اس حوالے سے وزیر داخلہ شیخ رشید نے کہا کہ اسپیکر قومی اسمبلی کو وزیر اعظم عمران کے خلاف تحریک عدم اعتماد پر ووٹ میں تاخیر کا حق ہے اگر حالات اجازت دیں تو انہوں نے مزید کہا کہ اس حوالے سے "بہت سے احکام" موجود ہیں۔

وزیر داخلہ نے کہا کہ اگر تحریک 25 مارچ کو پیش کی جاتی ہے تو ووٹنگ 31 مارچ یا یکم اپریل کو ہونے کا امکان ہے۔

یاد رہے کہ اپوزیشن رہنماؤں نے دھمکی دی تھی کہ اگر 21 مارچ کو وزیر اعظم عمران خان کے خلاف عدم اعتماد کا ووٹ قومی اسمبلی میں پیش نہ کیا گیا تو اسلامی تعاون تنظیم (او آئی سی) کانفرنس بلاک کر دیں گے ۔