قومی اسمبلی کے اسپیکر اسد قیصر نے کہا ہے کہ وہ تحریک عدم اعتماد پر ووٹنگ کے دوران قانون کی پیروی کریں گے۔

اسلام آباد میں صحافیوں سے گفتگو کرتے ہوئے اسپیکر قومی اسمبلی نے کہا کہ تحریک عدم اعتماد اپوزیشن کا آئینی حق ہے تاہم انہوں نے اجلاس کی تاریخ نہیں بتائی۔

اسپیکر اسد قیصر نے کہا کہ میں قانون پر عمل کروں گا، اجلاس بلانے کے حوالے سے میں ابھی بھی قومی اسمبلی کے سیکرٹریٹ سے مشاورت کر رہا ہوں اور اسے آئین کے مطابق بلایا جائے گا۔

ذرائع کے مطابق اسپیکر کو بتایا گیا کہ کسی بھی رکن کو ووٹ ڈالنے سے نہیں روکا جا سکتا تاہم پارٹی پالیسی کی خلاف ورزی کرنے والوں کے خلاف کارروائی کی جاسکتی ہے۔