بھاتی میڈیا ادارے کو انٹرویو دیتے ہوئے مقبول اداکارہ صبا قمر نے کہا کہ پاکستانی انٹرٹینمنٹ مواد ماضی سے سے بہتر ہے لیکن یہاں بولڈ سین نہیں کیے جا سکتے کیونکہ پابندیاں عائد ہیں۔

بھارتی اخبار ’انڈین ایکسپریس‘ کے مطابق بھارتی خبر رساں ادارے ’پریس ٹرسٹ آف انڈیا‘ (پی ٹی آئی) کو دیے گئے انٹرویو میں صبا قمر نے بھارتی فلموں اور ڈراموں کی بھی تعریفیں کی۔

انہوں نے کہا کہ ٹی وی پر ہمارے پاس کچھ پابندیاں ہیں جبکہ ہم بولڈ سین نہیں دکھاتے، ہم لائن کراس نہیں کرتے لیکن پھر بھی مسائل پر بات کرتے ہیں.

مزید کہا کہ ہم در پیش مسائل کے بارے میں بات کر رہے ہیں، جن سے لوگ سیکھ رہے ہیں۔

صبا قمر نے بھارتی خبر رساں ادارے کو دیے گئے انٹرویو میں کہا کہ بہترین کی امید کر رہی ہوں اور خدا نے چاہا تو میں بالی ووڈ میں کام کروں گی۔