سندھ حکومت نے اعلان کیا ہے کہ شب معراج کے موقع پر سندھ بھر کے تعلیمی ادارے منگل کو بند رہیں گے۔

سندھ کے سیکریٹری تعلیم غلام اکبر لغاری نے ایک بیان میں کہا ہے کہ "یکم مارچ کو شب معراج کے پیش نظر صوبے کے تمام تعلیمی ادارے بند رہیں گے"۔

سیکریٹری تعلیم نے کہا کہ سالانہ عام تعطیلات کی منظوری محکمہ تعلیم کی جانب سے طے کی جاتی ہے۔

ان کا کہنا تھا کہ یہ ہدایت بھی سندھ اسٹیئرنگ کمیٹی برائے تعلیم کے حالیہ اجلاس میں دی گئی ہے جس کے مطابق یکم مارچ کو تمام تعلیمی ادارے بند رہیں گے۔