اسلام آباد:پاکستان مسلم لیگ (ن)کی ترجمان مریم اورنگزیب نے وزیراعظم کے آج قوم سے خطاب کے فیصلے کو شدید تنقید کا نشانہ بناتےہوئے کہا کہ دعا ہے عمران خان کا آج کا خطاب آخری ہو۔

مسلم لیگ ن کی ترجمان مریم اورنگزیب نے سماجی رابطے کی ویب سائٹ ٹوئٹر پر اپنے ٹویٹ میں لکھا کہ وزیراعظم قوم سے خطاب کرکے قوم کا مزید وقت ہی ضائع کریں گے، جس شخص پہ عوام کو اعتماد نہیں رہا وہ کیا عوام کو اعتماد میں لیں گے۔

قوم سے خطاب کر کے قوم کا مزید وقت ہی ضائع کریں گے۔ جس شخص پہ عوام کو اعتماد نہیں رہا وہ کیا عوام کو اعتماد میں لیں گے اگرچہ ممکن تو نہیں لیکن شاید خطاب میں چودہ ممالک سے غیرقانونی فنڈنگ،آٹا,چینی ,بجلی ،گیس دوائی کی چوریوں کا حساب دیں۔@ImranKhanPTI

— Marriyum Aurangzeb (@Marriyum_A) February 28, 2022

مریم اورنگزیب کا مزید کہنا تھا کہ اگرچہ ممکن تونہیں لیکن شایدخطاب میں 14ممالک سے غیرقانونی فنڈنگ، آٹا، چینی ، بجلی، گیس اور دوائی کی چوریوں کا حساب دیں۔

اپنے ایک اور ٹویٹ میں ترجمان (ن )لیگ مریم اورنگزیب نے لکھاکہ قوم سے کئے اپنے جھوٹے وعدوں اور سیاسی مخالفین پہ لگائے جھوٹے الزامات پر معافی مانگیں؟ کیونکہ مہنگائی میں کمی، 50لاکھ گھر، ایک کروڑ نوکری اور آئی ایم ایف نہیں جاؤں گا کے اعلان تواب ممکن نہیں۔

قوم سے کئے اپنے جھوٹے وعدوں اور سیاسی مخالفین پہ لگائے جھوٹے الزامات پر معافی مانگیں؟کیونکہ مہنگائی میں کمی،پچاس لاکھ گھر،ایک کروڑ نوکری اور آئی ایم ایف نہیں جاؤں گا کےاعلان تو اب ممکن نہیں .دعا ہے کہ یہ آخری خطاب ثابت ہو تاکہ مسلسل ذہنی اذیت مہنگائی اور بے روزگاری سے نجات مل سکے

— Marriyum Aurangzeb (@Marriyum_A) February 28, 2022

مسلم لیگ (ن)کی ترجمان نے مزید کہا کہ دعاہےکہ یہ آخری خطاب ثابت ہوتاکہ مسلسل ذہنی اذیت ،مہنگائی اور بے روزگاری سے نجات مل سکے۔