اسلام آباد:وزیرِ اعظم عمران خان نے کہا ہے کہ سمندر پار مقیم پاکستانی ہمارا قیمتی اثاثہ ہیں۔

وزیرِ اعظم عمران خان سے پاکستان ایسوسی ایشن دبئی کے وفد نے ملاقات کی جس میں چیئرمین پاکستان ایسوسی ایشن دبئی ڈاکٹر ضیاء الحسن، صدر پاکستان ایسوسی ایشن دبئی ڈاکٹر فیصل اکرام اور ممتاز مسلم نے شرکت کی۔

ملاقات میں دبئی میں مقیم پاکستانیوں کی اور حکومت کی کاروبار دوست پالیسیوں کی بدولت سرمایہ کاری میں دلچسپی پر گفتگو کی گئی۔

شرکاء نے بیرونِ ملک پاکستانیوں کو انتخابات میں رائے دہی کے حق کی فراہمی بلکہ رقوم کی منتقلی کیلئے روشن ڈیجیٹل اکاؤنٹ اور ان کے حقوق کے تحفظ کیلئے حکومت کے اقدامات پر خراجِ تحسین پیش کیا۔

وزیرِ اعظم عمران خان نے کہا ہے کہ سمندر پار مقیم پاکستانی ہمارا قیمتی اثاثہ ہیں، حکومت سمندر پار پاکستانیوں کی ملک میں سرمایہ کاری اور ان کے تحفظ کیلئے اقدامات کر رہی ہے۔

وزیراعظم عمران خان کی بی آر ٹی منصوبے کو گولڈ اسٹینڈرڈ ایوارڈ ملنے پر مبارکباد

دوسری جانب وزیراعظم عمران خان نے بی آر ٹی منصوبے کو گولڈ اسٹینڈرڈ ایوارڈ ملنے پر مبارکباد دیتے ہوئے کہا کہ انٹرنیشنل ٹیکنیکل اسٹینڈرڈ کمیٹی نے بی آر ٹی کو 100 میں سے 97 پوائنٹس دیئے۔

Congratulations to KP govt. Peshawar BRT recognised as a Gold Standard BRT service by the International Technical Standard Committee of the BRT scoring a 97 out of 100 - meaning it is consistent in almost all respects with international best practices. https://t.co/sJWFhVOZVc

— Imran Khan (@ImranKhanPTI) February 18, 2022

وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا کہ بی آر ٹی کو عالمی سطح کی معیاری سروس قرار دیا گیا، بی آر ٹی نے پبلک ٹرانسپورٹ شعبے میں انقلاب برپا کر دیا، بی آر ٹی سروس پر 71 ملین افراد سفر کرچکے ہیں، ڈھائی لاکھ افراد روزانہ بی آر ٹی پر سفر کرتے ہیں۔

Peshawar BRT has revolutionised public transport system in the city & since the start of its operations in Aug 2020 more than 71 million people have travelled in it. Over 250,000 commuters ride it on daily basis out of which 20% are women & 60% are from low-income groups.

— Imran Khan (@ImranKhanPTI) February 18, 2022

ایک اور ٹویٹ میں وزیراعظم کا کہنا تھا کہ گزشہ روز وزیراعظم پورٹل کی چھتری تلے تعلیمی وظائف کی شکایات کیلئے مکمل طور پر ایک الگ پورٹل متعارف کروایا، یہ طلبہ کی شکایات کے بر وقت اور مربوط حل کو یقینی بنائےگا، رواں مالی سال کے دوران ملک بھر میں 2.6 ملین کے اسکالرشپس مستحق طلبا کو دیئے جائیں گے، قابل طلبہ و طالبات کو 28.3 ارب روپے کے وظائف دیے جائیں گے۔

Yesterday we launched a dedicated Scholarship Complaint Portal under umbrella of PM Portal. This will ensure coordinated & timely resolution of students complaints. During CFY 2.6mn scholarships are being awarded to talented & deserving students across Pak amounting to Rs. 28.3bn

— Imran Khan (@ImranKhanPTI) February 18, 2022