منی بجٹ میں ٹیلی کام سیکٹر کے لیے ٹیکس پر نظرثانی نے اسٹیک ہولڈرز کو پریشان کر دیا۔

اسٹیک ہولڈرز نے حکومت پر زور دیتے ہوئے کہا کہ وہ 'ڈیجیٹل پاکستان' کے وژن کو حاصل کرنے کے لیے پالیسیوں میں تسلسل کو یقینی بنائے۔

گزشتہ 7ماہ کے دوران ٹیکسز میں ہونے والی تبدیلیوں کا ذکر کرتے ہوئے، جیز کے سی ای او عامر ابراہیم نے ٹریبیون کو بتایا کہ پالیسیوں میں غیر متوقع اور اچانک تبدیلیاں موبائل نیٹ ورک آپریٹرز کی پاکستان میں منصوبہ بندی اور سرمایہ کاری کرنے کی صلاحیت کو محدود کر رہی ہیں تاکہ خدمات کے معیار میں بہتری کو یقینی بنایا جا سکے۔

انہوں نے ٹیلی کام کمپنیوں کی جانب سے حکومت کی کچھ پالیسیوں کے بارے میں اپنی مایوسی کا اظہار کیا ہے۔

حال ہی میں منظور شدہ منی بجٹ میں، ایڈوانس ٹیکس میں 5 فیصد اضافے کے علاوہ ٹیلی کام صارفین پر ٹیکس تقریباً 35 فیصد تک پہنچ گیا۔

فنانس (ضمنی) بل 2021 کے تحت اسمارٹ فونز اور لیپ ٹاپ جیسے ڈیجیٹل گیجٹس پر ٹیکس بڑھا دیا گیا، جس کی وجہ سے وہ عام آدمی کے لیے کافی مہنگے ہو گئے۔

ٹیلی کام سیکٹر کے لیے ٹیکس پر نظر ثانی 2021-22 کے بجٹ کے اعلان کے چند ماہ بعد ہوئی جس کے تحت حکومت نے ایڈوانس ٹیکس میں کمی کی اور 2022 میں مزید 2 فیصد کمی کا وعدہ کیا۔

انہوں نے کہا کہ "ایسے ماحول میں ڈیجیٹل انقلاب کے رونما ہونے کا امکان نہیں ہے جہاں آبادی کا ایک بڑا حصہ بنیادی موبائل فون خدمات اور اسمارٹ فونز اور لیپ ٹاپ کے مالک ہونے میں مشکل محسوس کرتا ہے۔"

ان کا کہنا تھا کہ نصف آبادی کو آن لائن لانے کی کوششوں میں پاکستان کو رگڑ پیدا کرنا بند کرنا چاہیے جیسے ٹیکس میں اچانک اضافہ کیا ہے۔