گڑ کے بارے میں تو سب ہی جانتے ہیں کہ یہ گنے کے رس سے تیار ہوتا ہے جبکہ یہ ایسی چینی ہے جو ریفائن نہیں ہوتی مگر کیا گڑ عام عام چینی کا بہتر متبادل ہوسکتا ہے۔

سفید چینی کے مقابلے میں گڑ میں زیادہ غذائی اجزاء موجود جاتے ہیں گڑ کو ریفائن نہیں کیا جاتا ہے جبکہ 100 گرام گڑ سے 383 کیلوریز، 65 سے 85 گرام سکروز یا شکر، 10 سے 15 گرام فریکٹوز اور گلوکوز، 0.4 گرام پروٹین 0.1 گرام چکنائی پائی جاتی ہے۔

جبکہ 11 ملی گرام آئرن (روزانہ درکار مقدار کا 61 فیصد حصہ)، 70 سے 90 ملی گرام میگنیشم (روزانہ درکار مقدار کا 20 فیصد حصہ)، 1050 ملی گرام پوٹاشیم (روزانہ درکار مقدار کا 30 فیصد حصہ) اور 0.2 سے 0.5 گرام مینگنیز (روزانہ درکار مقدار کا 10 سے 20 فیصد حصہ) گڑ سے جسم کو ملتا ہے۔

اس کے علاوہ خاص خیال رہے کہ 100 گرام بہت زیادہ تصور کیا جاتا ہے تو ایک کھانے کے چمچ یا 20 گرام مقدار کھانا ہی بہتر ہے۔

اس کے علاوہ گڑ میں تھوڑی مقدار میں بی وٹامنز اور منرلز ساتھ ہی کیلشیئم، زنک، فاسفورس اور کاپر بھی موجود ہوتے ہیں۔

دوسری جانب سفید چینی کے مقابلے میں گڑ میں زیادہ غذائی اجزاء سے بھرپور ہوتا ہے مگر یہ بھی چینی ہی ہے اور اس کی زیادہ مقدار کا استعمال بہت زیادہ کیلوریز کو جزوبدن بنانے کا باعث بنتا ہے لیکن گڑ چینی کے مقابلے میں کیمیائی طور پر زیادہ پیچیدہ ہوتا ہے جس وجہ سے اس کو ہضم کرنے میں کافی وقت لگتا ہے۔

یعنی گڑ چینی کا تھوڑا بہتر متبادل ہے مگر ہے یہ بھی چینی کی ایک قسم ہے اور اسی کم مقدار میں کھانا ہی بہتر ہوتا ہے۔