اسلام آباد:وزیراعظم عمران خان نے کراچی میں ایم کیو ایم کے پرامن مظاہرے پر سندھ پولیس کے تشدد کا نوٹس لے لیا۔

سماجی رابطے کی ویب سائٹ ٹوئٹر پر اپنے ٹویٹ میں وزیراعظم عمران خان نے کہا کہ میں نے ایم کیو ایم کے پرامن مظاہرے پر سندھ پولیس کی جانب سے تشدد کا نوٹس لے لیا ہے، واقعے پر محکمہ داخلہ، چیف سیکرٹری اور آئی جی سندھ سے رپورٹ طلب کر لی ہے۔

I have taken note of the violence used by Sindh police against MQM's peaceful protest against Sindh's LG law, & have called for a report from Interior Ministry, Sindh CS & Sindh IG. Will take necessary action against those responsible after receiving these reports.

— Imran Khan (@ImranKhanPTI) January 27, 2022

وزیراعظم نے کہا کہ رپورٹ ملنے کے بعد ذمہ داروں کیخلاف سخت کارروائی کی جائے گی۔

وزیرخارجہ کا ایم کیوایم رہنماؤں سےٹیلیفونک رابطہ، مظاہرین پرپولیس تشددکی مذمت

دوسری جانب وزیرخارجہ شاہ محمودقریشی نے ایم کیوایم کےرہنماؤں سےٹیلیفونک رابطہ کر کے کراچی میں پرامن مظاہرین پرپولیس کےتشددکی شدیدمذمت کی۔

وزیرخارجہ شاہ محمودقرشی نے ایم کیوایم کے رہنماء خالد مقبول صدیقی،امین الحق اورکشور زہرہ سے ٹیلی فون پر رابطہ کیا۔

شاہ محمود قریشی نے پرامن مظاہرین پر پولیس تشدد کی شدید مذمت کرتےہوئے کہا کہ پرامن احتجاج کولاٹھیوں اورشیلنگ سےمنتشرکرناجمہوری حق کی نفی ہے۔

وزیرخارجہ نے کہا کہ ایم کیو ایم کی خواتین پرپولیس تشددکی جس قدرمذمت کی جائےکم ہے، آئےروزجمہوریت کادرس دینےوالوں کااصل چہرہ سب نےٹی وی اسکرینزپردیکھا۔

وزیر خارجہ شاہ محمود قریشی نے ایم کیوایم کے کارکن کی شہادت پراظہار تعزیت بھی کیا۔