کراچی کے علاقے شیرشاہ میں کیمیکل فیکٹری کے گودام میں لگنے والی آگ پر قابو پالیا گیا اور اب کولنگ کا عمل جاری ہے۔

کراچی کےعلاقے شیرشاہ میں واقع کیمیکل فیکٹری کےگودام میں آگ بھڑکنے کے بعد 2فائربریگیڈ کی گاڑیاں موقع پرپہنچیں جس کے بعد آگ نے مزید شدت اختیار کی تو شہر بھر کے فائر اسٹیشن سے گاڑیاں طلب کی گئیں۔

پولیس کےمطابق آگ کیمیکل فیکٹری کے گودام میں بتائی گئی شدت کو دیکھتے ہوئے مزیدگاڑیاں اور واٹر ٹینکرز طلب کئے گئے۔

فائربریگیڈحکام کے مطابق فائربریگیڈ کی20 گاڑیوں نےآگ پرقابوپانے کےعمل میں حصہ لیا جبکہ رینجرز اور پولیس کی نفری بھی موقع پر موجود رہی۔

حکام کےمطابق ابتدائی طورپرآگ لگنےکی وجوحات سامنےنہیں آسکی جبکہ آتشزدگی کے نتیجےمیں کوئی جانی نقصان نہیں ہوا۔

چیف فائر آفیسر کے مطابق آگ رات 10 بج کر 58 منٹ پر لگی جس پر قابو پالیا گیا ہے جبکہ آگ بجھانے کی کوششوں میں 18 فائرٹینڈر،2 باوزر،ایک سنارکل کا استعمال کیا گیا۔

چیف فائرآفیسر کا کہنا ہے کہ گودام میں کسی بھی ہنگامی صورتحال میں آگ بجھانے کا انتظام نہیں تھا،،تنگ راستوں کےباعث گودام کی دیواریں توڑ کرداخل ہونا پڑا۔