کراچی: محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم جزوی طور پر ابر آلود اور سرد رہنے کا امکان ہے۔

بلوچستان میں موسم ابر آلود رہنے کے ساتھ ہلکی بارش اور برفباری متوقع ہے، بالائی سندھ، خیبرپختونخوا اور پنجاب کے میدانی علاقوں میں صبح اور رات کے اوقات میں گہری دھند چھائی رہے گی۔

ملک کے بیشتر حصوں میں براعظمی ہوا چل رہی ہے۔ ایک مغربی لہر کی سطح بلوچستان کے مغربی حصوں میں بھی موجود ہے۔

آئندہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہے گا۔

دن کا سب سے کم درجہ حرارت لیہ منفی 16، کالام منفی 12، سکردو منفی 11، استور منفی 9، گوپس، گلگت اور ہنزہ منفی 8، قلات منفی 7، کوئٹہ اور بگروٹ میں منفی 6، دیر، پلوامہ میں منفی 6 ڈگری سینٹی گریڈ ریکارڈ کیا گیا۔

جبکہ بارہ مولہ میں منفی 5، راولاکوٹ، پاراچنار، اننت ناگ، سری نگر اور شوپیان میں منفی4 ، دروش، مالم جبہ اور ژوب میں منفی3، اے سی ایچ، بونجی، چترال اور میرکھانی میں منفی2، مری، کاکول، بالاکوٹ اور گریدوپٹہ میں منفی 1ریکارڈ کیا گیا ہے۔