ریاض:سعودی عرب میں کورونا کے بڑھتے کیسز کے باعث ماسک پہننے اور سماجی فاصلہ اختیار کرنے کی پابندی کو دوبارہ عائد کردیا گیا۔

مسجدالحرام اور مسجد نبویؐ میں سماجی فاصلے کے ساتھ نمازیں اداکی جائیں گی، دونوں مقدس مساجد میں سماجی فاصلے کیلئے اسٹیکرز چسپاں کئے جارہے ہیں ۔

عمرہ زائرین سمیت نمازیوں کوکوروناوائرس سے بچاؤ کےتمام ایس اوپیز پر عمل کرنا ہوگا۔

اس حوالے سے سعودی وزارت داخلہ کا کہنا ہے کہ سعودی عرب میں یہ فیصلہ کورونا وائرس کے بڑھتے ہوئے کیسسز کی وجہ سے کیا گیا ہے جبکہ ماسک نا پہننے والوں کو جرمانہ کی سزا ہوگی۔