ریاض: سعودی عرب کا سب سے بڑا میوزک کنسرٹ" ریاض سیزن" 31 دسمبر 2021 کو ہوگا جس کا افتتاح محکمہ تفریحات کے سربراہ ترکی آل الشیخ کریں گے، جو عرب دنیا کا سب سے بڑا کنسرٹ ہوگا۔

اس حوالے سے ٹوئیٹر پر ٹرینڈ بن گیا اور اسے 2022 کا ستقبالیہ کہا جارہا ہے جبکہ اس کنسرٹ کو"ریاض تریو نائٹ" کا نام دیا گیاہے۔

سعودی خبررساں ویب نے اپنی رپوٹ میں عاجل ویب کا حوالہ دیتے ہوئے کہا ہے کہ ترکی آل الشیخ نے اپنے ٹوئٹر اکاؤنٹ پر لکھا کہ کنسرٹ میں13 گلوکار اور گلوکاراؤں کی آمد ہوگی۔

جن میں عرب گلوکار محمد عبدہ سرفہرست ہوں گے جبکہ عبادی الجوھر، عبداللہ الرویشد ، نوال الکویتیہ ، احلام ، ماجد المھندس ، نبیل شعیل ، اصالہ ، انغام ، اصیل ابوبکر ، علی بن محمد ، فھد الکبیسی اور اسما لمنور سمیت دیگر شامل ہوں گے۔

اسی اثنا میں روتانامیوزیکل کمپنی کے ایگزیکٹیو چیئرمین سالم الھندی نے ا کہا کہ "ہم کنسرٹ کیلئے پوری طرح سے تیار ہیں "۔

جبکہ آل الشیخ کے ٹوئٹ کے جواب میں کئی اہم شخصیتوں نے ٹوئٹ کی ہے اور انہوں نے 31 دسمبر کو خوب صورت شب قرار دے دیا۔