اسلام آباد: وزیراعظم عمران خان نے گوادر میں محنتی ماہی گیروں کے جائز مطالبات کا نوٹس لے لیا ۔

گوادر میں ماہی گیروں کی گزشتہ کئی دنوں سے بلوچستان کو حق دو کے نام سے تحریک جاری ہے تاہم اب ان کا احتجاج رنگ لے آیا کیونکہ وزیراعظم عمران خان کی جانب سے گوادر میں گیروں کے مطالبات اور احتجاج کا نوٹس لے لیا گیا۔

سماجی رابطے کی ویب سائٹ ٹوئٹر پر اپنے ٹویٹ میں وزیراعظم نے کہا کہ میں نے گوادر کے محنتی ماہی گیروں کے جائز مطالبات کا نوٹس لے لیا ہے،سخت محنت کرنے والے ماہی گیروں کو ان کے حقوق ملنا چاہیئں۔

I have taken notice of the very legitimate demands of the hardworking fishermen of Gwadar. Will be taking strong action against illegal fishing by trawlers & will also speak to CM Balochistan.

— Imran Khan (@ImranKhanPTI) December 12, 2021

وزیراعظم نے مزید کہا کہ ٹرالرز کے ذریعے غیرقانونی ماہی گیری کیخلاف سخت ایکشن لیا جائے گاجبکہ اس معاملے پر وزیراعلیٰ بلوچستان سے بھی بات کروں گا۔

گوادر میں ماہی گیروں کی بلوچستان کو حق دو تحریک جاری

دوسری جانب گوادر میں ماہی گیروں کی بلوچستان کو حق دو تحریک جاری ہے، ماہی گیر گزشتہ 28 روز سے دھرنا دیئے بیٹھے ہیں، دھرنےمیں ہزاروں کی تعداد میں ماہی گیر شریک ہیں۔

ماہی گیروں کی جانب سے سمندر میں آزادانہ طور پر مچلی کے شکار کی اجازت دینے کا مطالبہ کیا جارہاہے۔

مظاہرین کا کہنا ہے کہ ٹوکن سسٹم غریب عوام کا معاشی قتل ہے،حکومت عوام کو روزگارفراہم نہیں کرسکی،قدرتی روزگار کےدروازے بندنہ کئےجائیں۔