کراچی پولیس نے آشنا کی مدد سے اپنے شوہر کو ڈکیتی کا ڈرامہ رچا کر قتل کرنے والی خاتون کو گرفتار کر لیا ہے۔

مقتول شہباز نتھوانی پیشے سے آئی ٹی انجینئر تھا اور کراچی کے علاقے صفورا کا رہائشی تھا اسے ڈکیتی کی واردات میں قتل کیا گیا ۔

تاہم سی ٹی ڈی پولیس نے شہباز نتھوانی کی اہلیہ دانیہ اور اس کے آشنا جمشید خالد کو قتل کے الزام میں گرفتار کر لیا۔

جب کہ جمشید خالد کی پستول کا لائسنس جو قتل میں استعمال ہوئی تھی اس کو سی ٹی ڈی نے ثبوت کے طور پر حاصل کر لیا۔

مزید تفصیلات کے مطابق دانیہ اپنے شوہر شہباز نتھوانی سے لڑنے کے بعد میکے چلی گئی تھی، پھر دانیہ کے بھائی نے اس کے شوہر کو کال کرکے صفورا اپنے فلیٹ بلایا تھا تاکہ جھگڑا ختم کر لیا جائے۔

صلح کرنے کے بعد یہ جوڑا اپنی 6سالہ بیے کے ساتھ 7 جون کو صبح 5:15 بجے شاہ رخ کے فلیٹ سے نکلا اور دانیہ اپنے شوہر کے ساتھ دوسری فرنٹ سیٹ پر بیٹھے گاڑی چلا رہی تھی۔

سی ٹی ڈی حکام کے مطابق سینٹرل ہائی وے پر ون وے ڈرائیونگ کرتے ہوئے دانیہ5 نے اپنی گاڑی سنسان سڑک پر روکی تھی اور جمشد خالد سڑک پر کھڑا تھا۔

اس کے ساتھ ہی ملزم جمشدح خالد جو کہ ایک ماہر شوٹر تھا، اس نے اپنی 9 ایم ایم پستول سے کار پر دو گولیاں چلائیں ۔

میڈیکل رپوٹس کے مطابق شہباز نتھوانی کو دو گولیاں لگیں جس میں سے ایک گولی قریب سے دل پر لگی۔

اس سے قبل دانیہ نے مزاحمت کا ڈرامہ رچا کر واقعے کو ڈکیتی کا زاویہ دینے کی کوشش کی لیکن حقائق کچھ اور تھے۔

آغا خان برادری کی درخواست پر آئی جی سندھ نے ایک ہفتہ قبل تفتیش سی ٹی ڈی کے حوالے کی تھی۔