اسلام آباد:ایون فیلڈ اورجعلی اکاؤنٹس کیسز میں نیب پراسیکیوٹر بیرسٹر رضوان احمد مستعفی ہوگئے۔

ایون فیلڈ اورجعلی اکاونٹس کیسزسمیت کئی اہم کیسزمیں نیب کی جانب سے پیش ہونے والے نیب پراسیکیوٹررضوان احمد مستعفی ہوگئے ۔

بیرسٹررضوان احمد اسلام آباد ہائیکورٹ میں نیب کے اہم مقدمات کی پیروی کررہےتھےجبکہ وہ مریم نواز اور کیپٹن ریٹائرڈ صفدر کی اپیلوں پر بنی نیب ٹیم کے رکن بھی تھے۔

بیرسٹر رضوان احمد ایون فیلڈ ریفرنس میں اپیلوں پر بھی نیب کی نمائندگی کررہےتھےاور اسلام آبادہائیکورٹ میں جعلی اکاؤنٹس کیسزمیں بھی پیش ہورہے تھے ،انہوں نے مجموعی طور پر 270 مقدمات میں نیب کی نمائندگی کی۔

نیب پراسیکیوٹر بیرسٹررضوان احمدنے ذاتی و جوہات کی بنا ءپراستعفیٰ دیا۔