احتساب عدالت اسلام آباد نے سابق صدرآصف زردادی، ان کی ہمشیرہ فریال تالپورسمیت دیگر ملزمان کی ایک روزہ حاضری سے استثنیٰ کی درخواستیں منظور کرلیں۔

احتساب عدالت اسلام آباد کے جج اعظم خان نے آصف زرداری کیخلاف میگا منی لانڈرنگ ریفرنس کی سماعت کی۔

نیب کی جانب سے آصف زرداری کی بریت کی درخواست پر جواب جمع نہ کروانے پر عدالت نے کہا کہ درخواستوں پر نیب کب تک جواب دے گا؟۔

جس پر نیب پراسیکیوٹر وسیم جاوید نے بتایا کہ ابھی ہیڈ کوارٹرز سے جواب نہیں آیا، مزید وقت دے دیں۔

احتساب عدالت نے نیب کی استدعا منظورکرتے ہوئے نیب کو 6دسمبر تک جواب جمع کروانے کا حکم دے دیا۔

عدالت نے آصف زردادی ، فریال تالپور سمیت دیگر ملزمان کی ایک روزہ حاضری سے استثنیٰ کی درخواستیں بھی منظور کیں ۔