آسٹریلیا کے خلاف آج کھیلے جانے والے سیمی فائنل سے قبل ہی قومی ٹیم کو بڑا جھٹکا مل گیا، ٹیم کے دو اہم کھلاڑی فلو کا شکار ہو گئے۔

ٹی 20 ورلڈ کپ کے دوسرے سیمی فائنل میں پاکستان اور آسٹریلیا کا بڑا ٹاکرا آج ہونے جارہا ہے لیکن میچ سے ایک روز قبل ہی یہ خبریں سامنے آئیں کہ اوپنر بلے باز محمد رضوان اور مایہ ناز آل راؤنڈر شعیب ملک فلوکا شکار ہو گئے جس کے بعد دونوں کی شرکت مشکوک ہوتی جا رہی ہے۔

میڈیا مینیجر پاکستان کرکٹ بورڈ (پی سی بی) نے کہا ہے کہ محمد رضوان اور شعیب ملک فلُو کا شکار ہوگئے ہیں، فلو کے باعث دونوں کھلاڑیوں کے فوری طور پر کورونا ٹیسٹ کروائے گئے جو کلیئر آئے ہیں۔

ذرائع کا کہنا ہے دونوں کھلاڑی بیماری کے باعث پریکٹس سیشن کا بھی حصہ نہیں ہیں، ڈاکٹروں نے محمد رضوان اور شعیب ملک کو آرام کا مشورہ دے رکھا ہے۔

دوسری جانب ابوظبی میں کیویز نے کاری وارکیا ہے اور انگلینڈ کو ایونٹ سے باہر کردیا۔ نیوزی لینڈ نے پہلی بارٹی ٹوئںٹی ورلڈکپ کے فائنل میں قدم رکھ دیئے۔

ابوظبی میں انگلش ٹیم کی پہلے بلے بازی آئی۔مڈل آرڈر بلے بازوں ںے خوب رنگ جمایا۔

دوسری لائف ملنے پر مالان نے اکتالیس رنزبنائے۔ معین علی نے سینتیس گیندوں پراکیاون رنزداغ دیئے۔ اور انگلش ٹیم کا ٹوٹل چار وکٹوں پر ایک سو چھیاسٹھ بن گیا۔۔

جواب میں کی کیویز کی دو وکٹیں جلد گرگئیں۔ ڈیرل مچل اور کون وے نے اننگز کو سنبھالا۔ کون نے چھیالیس رنز اسکورکیے۔

جیمی نیشم نے بھی کمال کردکھایا۔ گیارہ گیندوں پر ستائیس رنز کی قیمتی اننگز کھیلی۔کیویز کی طرف سےمچل آخر تک ڈٹے رہے۔سینتالیس گیندوں پر باہتر رنز اسکورکیے۔

انہوں نے چوکا لگا کر کیویز کو ایک اوور قبل یادگار فتح دلائی۔