اسلام آباد:نیشنل کمانڈ اینڈ آپریشن سینٹر (این سی او سی )نے ملک بھر میں کورونا ایس اوپیز پر عملدرآمد ہونے پر اطمینان کا اظہارکیا ہے جبکہ اجلاس میں کورونا ویکسین کی مستقبل میں دستیابی یقینی بنانے کا جائزہ لیتے ہوئے دوسری ڈوز لگوانے کی ہدایت بھی کی گئی ہے۔

وفاقی وزیرمنصوبہ بندی اسد عمر کی زیر صدارت نیشنل کمانڈ اینڈ آپریشن سینٹر (این سی او سی )کا اجلاس ہوا ، جس میں ملک بھر میں جاری کورونا کی صورتحال اور ویکسی نیشن کے عمل کا جائزہ لیا گیا۔

حکام نے ملک بھر میں ضابطہ کار پرعملدرآمد ہونے پراطمینان کا اظہارکیا جبکہ شرکاء نے کورونا وباء کے دوران فرنٹ لائن ورکرز کو خراج تحسین بھی پیش کیا ۔

حکام نے انسداد کورونا ویکسین کی دوسری خوراک یقینی بنانے کی ہدایت کرتے ہوئے ضلعی حکام کو اس حوالے سے انتظامات کرنے پر زوردیا۔