پاکستان نے بھارت کو ٹی ٹوئنٹی ورلڈ کپ کے میچ میں شکست دیکر ایک طرف تاریخ رقم کی تو بھارتی ٹیم کے کپتان ویرات کوہلی نے گلے لگا کر رضوان اور بابر کو مبارک باد دی۔

بھارت کے 152 رنز کے ہدف کے تعاقب میں پاکستانی اوپنرز نے محتاط انداز اپناتے ہوئے بیٹنگ کا آغاز کیا۔ پاکستان کے کپتان بابر اعظم اور محمد رضوان نے گراؤنڈ کے چاروں اطراف اسٹروک کھیلے اور 152 رنز کی شاندار شراکت قائم کی اور بھارتی بولرز کو وکٹ لینے کا موقع نہ دیا۔

گرین شرٹس نے بھارت کو 10 وکٹوں سے شکست دی اور اس تاریخی فتح پر بھارتی ٹیم کے کپتان ویرات کوہلی نے گلے لگا کر رضوان اور بابر کو مبارک باد دی۔

ویرات کوہلی کے گلے لگانے کی تصاویر اور ویڈیو سوشل میڈیا پر وائرل ہوگئیں جبکہ ان تصاویر اور ویڈیوز کو سوشل میڈیا صارفین کی جانب سے سراہا جارہا ہے۔