پاکستان نے بھارت کو پہلی بار ورلڈکپ میں ہرا کر تاریخ رقم کردی۔ پاکستان نے ٹی ٹوئٹیش ورلڈکپ میں فتح سے کھاتہ کھول لیا۔پہلے ہی میچ میں روایتی حریف کو 10 وکٹوں سے پچھاڑدیا۔152رنز کے جواب میں پاکستانی اوپنرز نے بھارتی بولرز کو بے بس کردیا۔

محمد رضوان 79 رنز جبکہ کپتان بابر اعظم 68رنز بنا کر ناقابلِ شکست رہے۔

اس سے قبل بھارت نے پاکستان کو جیتنے کےلئے 152رنز کا ہدف دیا تھا.

دبئی میں کھیلے جانے والے ورلڈ مینز ٹی ٹوئنٹی کے سپر 12 مرحلے کے میچ میں بھارت نے پاکستان کی دعوت پر پہلے کھیلتے ہوئے مقررہ 20 اوورز میں 7 وکٹوں کے نقصان پر 151 رنز بنائے.

کپتان ویراٹ کوہلی 57 جبکہ رشب پنت 39 رنز بنا کر نمایاں رہے.

پاکستان کی جانب سے شاہین شاہ آفریدی نے 3 حسن علی نے 2 جبکہ شاداب خان اور حارث رؤف نے 1،1 وکٹ حاصل کی.

پاکستان کے شاہین شاہ آفریدی میچ کے بہترین کھلاڑی قرار پائے.