وزیر خارجہ شاہ محمود قریشی نے عالمی برادری پر زور دیا ہے کہ وہ تاریخ کے اس نازک موڑ پر امن واستحکام اور ترقی کی منزل میں افغان عوام کی مدد کریں۔

شاہ محمود قریشی ویڈیولنک کے ذریعے ایشیاء میں روابط اور اعتماد سازی اقدامات کے بارے میں کانفرنس کے چھٹے وزارتی اجلاس سے خطاب کیا۔

وزیر خارجہ نے ایشیاء میں امن و سلامتی اور ترقی کے فروغ کےلئے قابل قدر پلیٹ فارم فراہم کرنے پر کانفرنس کے کردار کو سراہا۔

انہوں نے ایشیاء میں جامع اور پائیدار سیکیورٹی کے نظریے اور عمل میں سی آئی سی اے کےلئے پاکستان کے عزم کا اعادہ کیا۔

وزیرخارجہ نےزور دیا کہ اقوام متحدہ کی سلامتی کونسل کی قراردادوں اور کشمیری عوام کی خواہشات کے مطابق تنازعہ جموں و کشمیر کے حل تک جنوبی ایشیاء میں پائیدار امن ایک خواب ہی رہے گا۔

وزیر خارجہ نے اقوام متحدہ کی قرارداوں کے مطابق مسئلہ فلسطین کے دو ریاستی حل پر مبنی پائیدار حل پر بھی زور دیا۔

نور سلطان میں ہونے والے اجلاس کی صدارت کانفرنس کے حالیہ چیئرمین قازخستان نے کی۔

ریڈیو پاکستان