راولپنڈی :شمالی وزیرستان کے علاقے میرعلی میں سیکیورٹی فورسزنے آپریشن کرکے ایک دہشت گرد کوہلاک کردیا جبکہ اسلحہ اورگولہ بارود برآمدکرلیا گیا۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقےمیرعلی میں دہشت گردوں کی موجودگی کی اطلاع پرسیکیورٹی فورسز کے جوانوں نے دہشت گردوں کے ٹھکانےکو نشانہ بنایا،جس کے نتیجے میں ایک دہشت گرد مارا گیا۔

آئی ایس پی آر کے مطابق آپریشن کے دوران ہلاک دہشت گردکے قبضے سے اسلحہ اورگولہ بارود برآمد کرلیا گیا تاہم علاقے کو کلیئر کرنے کیلئے سیکیورٹی فورس کا آپریشن جاری ہے۔