اسلام آباد:وفاقی وزیرخزانہ شوکت ترین نے آئی سی آئی جے پر ایکشن لینےکا فیصلہ کرلیا، انہوں نے کہا کہ حکومت کے پاس احتساب کا اختیار ہے ، شفاف طریقے سے احتساب کیا جائے گا ۔

وزیرخزانہ شوکت ترین نے سماجی رابطے کی ویب سائٹ ٹوئٹر پر اپنے ٹویٹ میں کہا کہ مجھ پرجو الزام لگا ہے اس پر ایکشن لوں گا ،حکومت کے پاس احتساب کا اختیارہے ، شفاف طریقے سے احتساب کیا جائے گا، مجھےنہیں معلوم کتنے لوگوں کی آف شورکمپنیاں ہیں، قبل از وقت اس کا تعین نہیں کیا جاسکتا ہے، کوشش ہوگی جلد سے جلد تفتیش کریں گے ۔

In 2014, M E Developers LLC of Tariq bin Laden wanted to invest in Silkbank. They got In Principal approval from the SBP and then opened four offshore accounts to raise structured finance to raise funds 1/2

— Shaukat Tarin (@shaukat_tarin) October 3, 2021

شوکت ترین نے کہاکہ 2014 میں ایم ای ڈویلپرز ایل ایل سی طارق بن لادن سلک بینک میں سرمایہ کاری کرنا چاہتے تھے ، انہوں نے اسٹیٹ بینک آف پاکستان سے اصولی منظوری لی، منظوری لینے کے بعد طارق بن لادن نے چار آف شور اکاؤنٹس کھولے، آف شور اکاؤنٹس صرف اور صرف فنڈ اکٹھا کرنے کیلئے کھولے گئے ۔

Before anything could happen there was law and order situation in Pakistan and bin Laden decided not to invest. No bank accounts were opened, no transactions took place and the companies stood closed 2/2

— Shaukat Tarin (@shaukat_tarin) October 3, 2021

وزیرخزانہ نے مزید کہا کہ اس سے پہلے کہ کچھ ہوتا پاکستان میں امن عامہ کی صورتحال کی وجہ سے بن لادن نے سرمایہ کاری نہ کرنے کا فیصلہ کیا ، کوئی بینک اکاؤنٹ نہیں کھولا گیا اور کوئی ٹرانزیکشن نہیں ہوئی اور کمپنیاں بند کردی گئیں ۔