وزیراعظم عمران خان کہتےہیں فوڈ سیکیورٹی اور موسمیاتی تبدیلی اس وقت بشمول پاکستان دنیا بھرکا سب سےاہم مسئلہ ہے۔حکومت ماحولیاتی تحفظ کےلئےجنگلات کی زمینوں کی حفاظت کو یقینی بنا رہی ہے۔

وزیرِاعظم کی زیرِ صدارت قومی رابطہ کمیٹی برائے ہاؤسنگ و تعمیرات کے اجلاس میں وزیرِ مملکت فرخ حبیب، معاونِ خصوصی ڈاکٹر شہباز گِل اور متعلقہ اعلی افسران نے شرکت کی۔

اجلاس کو چیئرمین سی ڈی اے نے اسلام آباد میں جاری ترقیاتی منصوبوں کے حوالے سے آگاہ کیا۔

انہوں نے بتایاکہ سیکٹر آئی15 کی تکمیل ایک سال کی قلیل مدت میں یقینی بنائی گئی۔نیا پاکستان ہاؤسنگ کے تحت فراش ٹاؤن اور دیگر انفراسٹرکچر کے منصوبے بھی جلد مکمل کر لئے جائیں گے۔اسلام آباد میں جنگلات کی زمین کے ریکارڈ کی ڈیجیٹلائزیشن بھی تقریباً مکمل کی جا چکی ہے۔

اجلاس کو سرویرق جنرل کی طرف سے کیڈسٹرل میپنگ پر بھی تفصیلی بریفنگ دی گئی اور بتایا گیا کہ اسلام آباد اور لاہور سمیت پورے ملک میں ڈیجیٹل میپنگ اور سرکاری زمینوں کی نشاندہی پر کام تیزی سے جاری ہے۔

اجلاس کو سپیشل سائیٹ ڈویلپنٹ زونز پربھی بریفنگ دی گئی اور بتایا گیا کہ ڈویلپمنٹ زونز پیری اربن سیٹلمنٹس کو بنیادی سہولیات کی فراہمی یقینی بنائیں گے۔منصوبے سے زمین کا بہتر استعمال اور غیر قانونی سوسائٹیوں کی روک تھام میں مدد بھی ملے گی۔

وزیراعظم نےکہا حکومت قبضہ شدہ زمین کو واگزار کرانےکےلئےاقدامات کررہی ہے۔کیڈسٹرل میپمنگ سے ڈیڈ کیپٹل کی نشاندہی اور اس کا بہتر استعمال ممکن ہوسکے گا۔