اسلام آباد:وزیرخارجہ شاہ محمود قریشی اقوام متحدہ کی جنرل اسمبلی میں پاکستانی کی نمائندگی کیلئے نیویارک روانہ ہوگئے جبکہ وزیرخارجہ نیویارک سے واپسی پر26ستمبر سے برطانیہ کا 2روزہ دورہ کریں گے۔

وزیرخارجہ شاہ محمود قریشی اقوام متحدہ کی جنرل اسمبلی کے اجلاس میں شرکت کیلئے آج رات نیویارک پہنچ جائیں گے۔ وزیرخارجہ کی پورےہفتے نیویارک میں اہم مصروفیات طے ہیں ،اقوام متحدہ کی جنرل اسمبلی کی سائیڈلائنز پرشاہ محمود قریشی کی اہم عالمی رہنماؤں سے ملاقاتیں ہوں گی۔

شاہ محمودقریشی نیویارک سے واپسی پرلندن بھی جائیں گے،26سے28ستمبرتک برطانیہ کا دورہ ہوگا۔

وزیرخارجہ شاہ محمو دقریشی کل بروز منگل استقبالیہ میں شریک ہوں گے،یواین سیکریٹری جنرل انتونیو گتریس تمام ممالک کے سربراہان کےاعزازمیں استقبالیہ دیں گے۔

وزیراعظم عمران خان جنرل اسمبلی اجلاس سے 24ستمبرکوورچوئل خطاب کریں گے جبکہ بھارتی وزیراعظم نریندرمودی نیویارک جارہے ہیں۔

وزیرخارجہ کئی ملکوں کے وزرائے خارجہ سے ملاقاتیں کریں گے،اوآئی سی رابطہ گروپ برائےکشمیرکا اجلاس جمعرات کو طےہے۔

وزیرخارجہ شاہ محمودقریشی نیویارک میں قیام کے دوران متعددملکوں کے وزرائےخارجہ اوردیگر عہدیداروں سے ملاقاتیں بھی کریں گے۔